阿仙奴里昂做大龙凤阿仙奴里昂做大龙凤

阿仙奴里昂做大龙凤
一年一度嘅季前热身赛──酋长盃今晚开打,阿仙奴主场硬撼里昂。兵工厂有新兵丹尼施巴路斯啱啱入「厂」,今仗随时处子登场,配合「双响炮」拿卡锡迪同奥巴美扬,火力全开,佢哋防线一向唔稳阵,与同样嗜攻嘅里昂随时合演入球骚,3/3.5球大盘有买趁早。(周日晚10时15分开赛,马会网上文字直播)施巴路斯首骚争表现阿仙奴之前赴美集训表现唔错,连同国冠盃在内,近4仗于法定时间取得3胜1和,无论係箭头拿卡锡迪、奥巴美扬,抑或尼基迪亚、韦洛克等生牯仔都有入波。除此之外,兵工厂啱啱成功借得皇马中场丹尼施巴路斯,呢位之前两届U21欧国盃带领西班牙赢得一冠一亚嘅功臣,扭得传得兼射得,可惜被皇马放埋一边投閒置散,如果今仗佢处子落场,必定骚哥利证明自己。至于日前受到刀匪袭击嘅奥斯尔同哥拉辛拿斯亦无大碍,随时落场狂攻对手,更添入波本钱。不过,阿仙奴仍未解决防守老问题,好似上仗对皇马领先两粒下,又畀对手喺法定时间内追和,最终互射12码输埋,唔好赖中坚柏柏斯达夫普路斯被逐,人哋嘅拿祖费南迪斯同样做「红牌阿姑」,10打10咁都保唔住胜果,防线坚係脆弱 。里昂虽有费基亚及尼当比利离队,但补入泰亚高文迪斯及尤索夫干尼,实力仍有保证,不过佢哋连续两场热身赛输波,包括以3比4不敌热拿亚,全开3球或以上,明显係入得又失得,今仗必定与阿仙奴对攻,捧大盘最划算。

Add a Comment

电子邮件地址不会被公开。 必填项已用*标注